Lirik Cinta Karuhei – Lagu Dayak Oleh Krisna

lirik-lagu
Ilustrasi Lirik Lagu

Lirik Cinta Karuhei

Tabe salamat lingu nalatai
hayak karungut aku manyampai
mangambang kesah kue habambai
salam taharu dia baranai

Turus janji kalutuh kesah
ikau hatue je akan tampayah
kasayang ku dengam dia laluah
cinta satia bapeteng segah

Tiruk hoang jatunti beken
belum melai pantai kalunen
kahuang ku dengam bilang ngalabien
angat ngaruhei bereng sabanen

Angat atei kuh puna gairah
nampayah ikau atei salawah
kilau pagkeme jata manuah
mundahan takdir dia mamisah

Iyuh kaka jagau balinga
panatau raja inuah jata
bara tamparan hasampuk mata
lembut angat garujut cinta

sadang katahi nyarenan huang
harun sinde tuh ikau ingganang
perasaan haru bacampur sanang
manyundau kaka je jagau pandang

Rasuk jadi kue hasundau
ikau hatue kapanatau jagau
dia sakadar kutak kamburau
ikau harapan karuhei tatau

Iyuh kaka je hatua nupi
hasupa dengam puna rajaki
kanatek nintu tasalurui hai
janji satia akan turus janji